ڈی آئی جی کا ترقیاتی منصوبے بروقت مکمل کرنے کا حکم ڈی آئی جی محمد جواد طارق کا پولیس انفراسٹرکچر اور انتظامی امور بہتر بنانے پر زور

اسلام آباد : محمد جواد طارق کی زیر صدارت ایک اہم اجلاس منعقد ہوا جس میں سلیمان ظفر آپریشن ڈویژن کے اکاؤنٹنٹس اور دیگر متعلقہ افسران نے شرکت کی اجلاس میں انتظامی امور، جاری ترقیاتی منصوبوں مالیاتی معاملات ٹرانسپورٹیشن اور دیگر دفتری امور کا تفصیلی جائزہ لیا گیا اس موقع پر ڈی آئی جی اسلام آباد نے ہدایت کی کہ تمام تھانوں میں جاری تعمیراتی و ترقیاتی منصوبے مقررہ مدت کے اندر اعلیٰ معیار کے مطابق مکمل کیے جائیں تاکہ پولیس انفراسٹرکچر کو مزید مضبوط اور جدید تقاضوں سے ہم آہنگ بنایا جا سکے انہوں نے متعلقہ افسران کو ہدایت کی کہ آپریشن ڈویژن کی تمام سرکاری گاڑیاں اور موٹر سائیکلیں ہر وقت مکمل طور پر فعال اور آپریشنل حالت میں رکھی جائیں تاکہ شہریوں کو بروقت مؤثر اور معیاری پولیس خدمات کی فراہمی یقینی بنائی جاسکے ڈی آئی جی محمد جواد طارق نے کہا کہ اسلام آباد پولیس میں بہترین انتظامی نظام وسائل کے مؤثر استعمال شفافیت اور پیشہ ورانہ کارکردگی کو مزید فروغ دیا جائے گا تاکہ عوام کو جدید مؤثر اور عوام دوست پولیسنگ کی فراہمی ہر صورت یقینی بنائی جا سکے