آزاد کشمیر انتخابات: 13 میں سے 10 حلقوں کے نتائج مکمل، ن لیگ 7 نشستوں کے ساتھ آگے ن لیگ کے 7 اور پیپلزپارٹی کے 3 امیدوار کامیاب 3 حلقوں کے نتائج کا انتظار

میرپور :آزاد جموں و کشمیر قانون ساز اسمبلی کے انتخابات کے پہلے مرحلے میں میرپور ڈویژن کے 13 حلقوں میں سے 10 کے مکمل غیرحتمی اور غیرسرکاری نتائج سامنے آچکے ہیں۔ ان نتائج کے مطابق مسلم لیگ (ن) نے 7 جبکہ پاکستان پیپلز پارٹی نے 3 نشستوں پر کامیابی حاصل کی ہے مسلم لیگ (ن) کے کامیاب امیدواروں میں ایل اے 1 میرپور 1 سے اظہر صادق ایل اے 4 میرپور 4 سے چوہدری رخسار احمد ایل اے 7 بھمبر 3 سے چوہدری طارق فاروق ایل اے 9 کوٹلی 2 سے عمیر نعیم ایل اے 11 کوٹلی 4 سے محمد آصف ایل اے 12 کوٹلی 5 سے محمد ریاست خان اور ایل اے 13 کوٹلی 6 سے راجہ ایاز احمد خان شامل ہیں پاکستان پیپلز پارٹی کے کامیاب امیدواروں میں ایل اے 2 میرپور 2 سے قاسم مجید ایل اے 3 میرپور 3 سے چوہدری یاسر سلطان اور ایل اے 8 کوٹلی 1 سے ظفر اقبال ملک کامیاب قرار پائے ہیں دوسری جانب تین حلقوں کے نتائج ابھی مکمل نہیں ہوئے ابتدائی غیرحتمی نتائج کے مطابق ایل اے 5 بھمبر 1 میں مسلم لیگ (ن) کے وقار احمد نور ایل اے 6 بھمبر 2 میں مسلم لیگ (ن) کے چوہدری محمد رزاق اور ایل اے 10 کوٹلی 3 میں پاکستان پیپلز پارٹی کے چوہدری محمد یاسین کو برتری حاصل ہے اب تک کے نتائج کے مطابق مسلم لیگ (ن) پہلے مرحلے میں سب سے بڑی جماعت بن کر سامنے آئی ہے جبکہ باقی تین نشستوں کے نتائج آنے کے بعد مجموعی انتخابی تصویر مزید واضح ہوگی