20 سال بعد جنوبی کوریا کی ہاکی ٹیم دوطرفہ سیریز کے لیے پاکستان پہنچ گئی ایف آئی ایچ سے منظور شدہ چار ٹیسٹ میچز 30 جولائی سے 7 اگست تک اسلام آباد میں کھیلے جائیں گے

اسلام آباد :جنوبی کوریا کی قومی ہاکی ٹیم پاکستان کے خلاف چار میچوں پر مشتمل ایف آئی ایچ (FIH) سے منظور شدہ بین الاقوامی ٹیسٹ سیریز کھیلنے کے لیے اسلام آباد پہنچ گئی تقریباً 20 سال بعد کسی بین الاقوامی ہاکی ٹیم کا رسمی دوطرفہ سیریز کے لیے پاکستان آنا قومی ہاکی کے لیے ایک تاریخی پیش رفت قرار دیا جا رہا ہے چاروں ٹیسٹ میچز 30 جولائی 2 اگست 4 اگست اور 7 اگست 2026 کو اسلام آباد میں کھیلے جائیں گے۔ یہ سیریز دونوں ٹیموں کو اعلیٰ معیار کا بین الاقوامی تجربہ فراہم کرنے کے ساتھ پاکستان کی آئندہ عالمی مقابلوں کی تیاریوں میں بھی اہم کردار ادا کرے گی پاکستان ہاکی فیڈریشن کے صدر محی الدین احمد وانی نے جنوبی کوریا ٹیم کا استقبال کرتے ہوئے کہا کہ یہ پاکستان ہاکی کے لیے ایک یادگار لمحہ ہے ان کے مطابق تقریباً دو دہائیوں بعد کسی بین الاقوامی ٹیم کا پاکستان میں خیرمقدم کیا جا رہا ہے جو ملک میں بین الاقوامی ہاکی کی بحالی کی جانب اہم پیش رفت ہے انہوں نے کہا کہ انہیں یقین ہے یہ سیریز معیاری ہاکی کے فروغ کے ساتھ پاکستان اور جنوبی کوریا کے درمیان دوستانہ تعلقات کو مزید مضبوط بنائے گی پاکستان ہاکی فیڈریشن نے حکومتِ پاکستان سیکورٹی اداروں اور تمام شراکت داروں کے تعاون کو سراہتے ہوئے کہا کہ انہی کی کوششوں سے یہ تاریخی دورہ ممکن ہوا فیڈریشن نے شائقینِ ہاکی سے اپیل کی ہے کہ وہ بڑی تعداد میں اسٹیڈیم آکر قومی ٹیم کی حوصلہ افزائی کریں اور بین الاقوامی ہاکی کی پاکستان میں واپسی کے اس اہم موقع کا حصہ بنیں