پاکستان انڈر 21 ہاکی ٹیم عمان ٹیسٹ سیریز کے لیے مسقط روانہ پانچ ٹیسٹ میچوں کی سیریز 29 جولائی سے 4 اگست تک کھیلی جائے گی

اسلام آباد :پاکستان انڈر 21 ہاکی ٹیم پانچ ٹیسٹ میچوں کی سیریز کھیلنے کے لیے عمان کی سینئر قومی ہاکی ٹیم کے خلاف مسقط روانہ ہوگئی ٹیم کے ہمراہ ہیڈ کوچ اولمپین ایاز محمود کوچ اولمپین سید سمیر حسین اور کوچ اظفر یعقوب بھی موجود ہیں دورے کے دوران قومی انڈر 21 ٹیم اپنا پہلا ٹیسٹ میچ 29 جولائی دوسرا 31 جولائی تیسرا یکم اگست چوتھا 2 اگست جبکہ پانچواں اور آخری ٹیسٹ میچ 4 اگست کو عمان کے خلاف کھیلے گی پاکستان ہاکی فیڈریشن پی ایچ ایف کے صدر محی الدین احمد وانی نے ٹیم کے لیے نیک تمناؤں کا اظہار کرتے ہوئے کہا کہ قومی انڈر 21 کھلاڑیوں کو عمان ٹیسٹ سیریز میں شرکت کا موقع فراہم کرنے کا مقصد انہیں بین الاقوامی سطح پر تجربہ دلانا اور ان کا حوصلہ بلند کرنا ہے انہوں نے کہا کہ غیر ملکی ٹیموں کے خلاف کھیلنے سے نوجوان کھلاڑیوں کی صلاحیتوں میں نکھار آئے گا اور مستقبل میں قومی سینئر ٹیم کے لیے مضبوط کھلاڑی تیار ہوں گے