جنوبی افریقہ ویمنز انڈر 19 نے پاکستان کو ہرا کر سیریز 3-2 سے جیت لی بارش سے متاثرہ فیصلہ کن میچ میں ڈک ورتھ لوئس سسٹم کے تحت 17 رنز سے کامیابی

کراچی : جنوبی افریقہ ویمنز انڈر 19 ٹیم نے بارش سے متاثرہ پانچویں اور فیصلہ کن ٹی20 میچ میں پاکستان کو ڈک ورتھ لوئس سسٹم (DLS) کے تحت 17 رنز سے شکست دے کر پانچ میچوں کی سیریز 2-3 سے اپنے نام کر لی نیشنل بینک اسٹیڈیم کراچی میں کھیلے گئے میچ میں پاکستان نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 128 رنز بنائے تاہم بارش سے قبل جنوبی افریقہ نے 5.4 اوورز میں بغیر کسی نقصان کے 44 رنز بنا لیے تھے جس کے بعد اسے فاتح قرار دیا گیا پاکستان کی جانب سے روائل فرحان نے 32، شاہر بانو نے صرف 19 گیندوں پر 30 رنز کی جارحانہ اننگز کھیلی، جبکہ اقصیٰ حبیب 23 رنز بنا کر ناٹ آؤٹ رہیں۔ کومل خان نے بھی 21 رنز کی اننگز کھیلی جنوبی افریقہ کی جانب سے ڈینیلی بوشوف اور ایشلے وین وِک نے دو دو وکٹیں حاصل کیں ہدف کے تعاقب میں جنوبی افریقہ کی میا لالور نے 22 اور ڈیڈرے وین رینسبرگ نے 18 رنز بنائے اور ٹیم کو مضبوط آغاز فراہم کیا، تاہم بارش کے باعث میچ مکمل نہ ہو سکا اور ڈی ایل ایس قانون کے تحت جنوبی افریقہ کو فاتح قرار دیا گیا میا لالور کو شاندار آل راؤنڈ کارکردگی پر پلیئر آف دی میچ جبکہ جنوبی افریقہ کی کپتان میکے وین وورسٹ کو پلیئر آف دی سیریز قرار دیا گیا سیریز میں پاکستان کی جانب سے روائل فرحان 119 اور زوفشان اعجاز 112 رنز کے ساتھ نمایاں رہیں جبکہ مہام نزاکت ایشلے وین وِک، ماہور زیب اور میا لالور نے چھ، چھ وکٹیں حاصل کر کے مشترکہ طور پر سب سے کامیاب باؤلرز کا اعزاز حاصل کیا