مون سون بارشوں سے نمٹنے کیلئے راولپنڈی میں گرینڈ ڈرین ڈی سلٹنگ آپریشن شروع ستھرا پنجاب ایجنسی کی شہر بھر میں نالیوں کی صفائی، نکاسی آب کا نظام فعال بنانے کیلئے ہنگامی اقدامات

راولپنڈیی: وزیراعلیٰ پنجاب مریم نواز شریف کی خصوصی ہدایات پر مون سون سیزن کے دوران ممکنہ بارشوں سے پیدا ہونے والی صورتحال سے نمٹنے کے لیے ستھرا پنجاب ایجنسی راولپنڈی نے شہر بھر میں گرینڈ ڈرین ڈی سلٹنگ آپریشن کا آغاز کر دیا ہے آپریشن کے تحت روزانہ مختلف یونین کونسلز میں نالیوں کی بڑے پیمانے پر صفائی کی جا رہی ہے تاکہ بارش کے پانی کی بلا رکاوٹ نکاسی کو یقینی بنایا جا سکے۔ خصوصی مہم کے دوران صفائی عملہ نالیوں میں جمع مٹی کچرا اور دیگر رکاوٹیں ہٹا رہا ہے جبکہ نکالا جانے والا ملبہ فوری طور پر ٹھکانے لگا کر نکاسی آب کے نظام کو مکمل طور پر فعال بنایا جا رہا ہے ایم ڈی ستھرا پنجاب ایجنسی راولپنڈی اور سی ای او راولپنڈی ویسٹ مینجمنٹ کمپنی رانا ساجد صفدر نے کہا کہ وزیراعلیٰ پنجاب مریم نواز شریف کے وژن کے مطابق مون سون سیزن سے قبل تمام ڈرینج سسٹم کو فعال بنانے کے لیے ہنگامی بنیادوں پر اقدامات کیے جا رہے ہیں انہوں نے بتایا کہ جہاں بھی بارش کے دوران پانی جمع ہونے کا خدشہ ہے وہاں خصوصی ٹیمیں تعینات کر دی گئی ہیں جبکہ فیلڈ اسٹاف اور مشینری چوبیس گھنٹے الرٹ رہیں گے تاکہ شہریوں کو کسی قسم کی دشواری کا سامنا نہ کرنا پڑے رانا ساجد صفدر نے کہا کہ ستھرا پنجاب ایجنسی شہریوں کو صاف محفوظ اور صحت مند ماحول کی فراہمی کے لیے پرعزم ہے اور مون سون کے دوران تمام دستیاب وسائل بروئے کار لائے جائیں گے انہوں نے شہریوں سے اپیل کی کہ نالیوں میں کوڑا کرکٹ یا تعمیراتی ملبہ نہ پھینکیں اور صفائی برقرار رکھنے میں ادارے سے بھرپور تعاون کریں تاکہ بارشوں کے دوران نکاسی آب کا نظام مؤثر انداز میں کام کرتا رہے