طلبہ کا اسلام آباد ٹریفک پولیس ہیڈکوارٹرز کا دورہ طلبہ کو ٹریفک قوانین، پولیس کارکردگی اور عوام دوست منصوبوں سے آگاہی دی گئی

اسلام آباد ; اسلام آباد ٹریفک پولیس کے ایجوکیشن ونگ کے زیر اہتمام مختلف جامعات کے طلبہ و طالبات نے ٹریفک پولیس ہیڈکوارٹرز کا مطالعاتی دورہ کیا دورے کا مقصد نوجوانوں میں ٹریفک قوانین سے آگاہی ذمہ دار شہری ہونے کا شعور اجاگر کرنا اور پولیس کے عوام دوست اقدامات سے روشناس کرانا تھا دورے کے دوران طلبہ و طالبات کو اسلام آباد ٹریفک پولیس کے مختلف شعبہ جات ان کی ذمہ داریوں جدید ٹریفک مینجمنٹ سسٹم شہریوں کو فراہم کی جانے والی سہولیات اور ٹریفک قوانین پر تفصیلی بریفنگ دی گئی ایجوکیشن ونگ کے افسران نے شرکاء کو محفوظ ڈرائیونگ روڈ سیفٹی اور ٹریفک قوانین پر عملدرآمد کی اہمیت سے بھی آگاہ کیا اس موقع پر چیف ٹریفک آفیسر اسلام آباد کائنات اظہر خان نے طلبہ و طالبات سے گفتگو کرتے ہوئے کہا کہ نوجوان نسل میں ٹریفک قوانین سے متعلق شعور اجاگر کرنا اسلام آباد ٹریفک پولیس کی اولین ترجیحات میں شامل ہے انہوں نے اسلام آباد ٹریفک پولیس کے عوام دوست پولیسنگ منصوبوں جدید اصلاحات اور شہری سہولت کے لیے کیے جانے والے اقدامات پر بھی روشنی ڈالی طلبہ و طالبات نے ٹریفک پولیس کی پیشہ ورانہ کارکردگی جدید نظام اور عوامی خدمت کے جذبے کو سراہتے ہوئے اس دورے کو معلوماتی اور مفید قرار دیا انہوں نے اس عزم کا اظہار کیا کہ وہ خود بھی ٹریفک قوانین پر عمل کریں گے اور دوسروں کو بھی اس حوالے سے آگاہی فراہم کریں گے