نواز شریف نے کشمیر کیلئے بڑے ترقیاتی وعدے کیے ن لیگ کامیاب ہوئی تو آزاد کشمیر کا بجٹ دس گنا بڑھائیں گے نواز شریف

مظفرآباد :مسلم لیگ (ن) کے صدر نواز شریف نے کہا ہے کہ اگر آزاد کشمیر کے انتخابات میں مسلم لیگ (ن) کامیاب ہوئی تو وہ وزیراعظم شہباز شریف سے کہیں گے کہ انہیں آزاد کشمیر کا وزیراعظم بنا دیا جائے انہوں نے اعلان کیا کہ ن لیگ کی حکومت بننے پر آزاد کشمیر کا بجٹ دس گنا بڑھایا جائے گا اور ہر تین ماہ بعد خود ترقیاتی منصوبوں کا جائزہ لینے آئیں گے مظفرآباد میں انتخابی جلسے سے خطاب کرتے ہوئے نواز شریف نے کہا کہ آزاد کشمیر ان کا دوسرا گھر ہے اور یہ خطہ انہیں پنجاب جتنا ہی عزیز ہے انہوں نے کہا کہ دریائے جہلم کے ساتھ ایک خوبصورت موٹروے تعمیر ہونی چاہیے اور مظفرآباد کو کشمیر کا بہترین شہر بنایا جائے گا۔ انہوں نے یہ بھی اعلان کیا کہ مظفرآباد کے لیے 10 گرین بسیں چند روز میں پہنچ جائیں گی اس موقع پر وزیراعلیٰ پنجاب اور مسلم لیگ (ن) کی چیف آرگنائزر مریم نواز نے پیپلز پارٹی کا نام لیے بغیر سخت تنقید کرتے ہوئے کہا کہ جن کے اپنے صوبوں میں وسائل کرپشن کی نذر ہوتے ہیں، وہ آزاد کشمیر کو کیا وسائل دیں گے انہوں نے کہا کہ جنہوں نے نوجوانوں کے ہاتھوں میں ڈنڈے تھمائے وہ ان کے خیرخواہ نہیں جبکہ مسلم لیگ (ن) نوجوانوں کے ہاتھوں میں لیپ ٹاپ اور ترقی کے مواقع دینا چاہتی ہے مریم نواز نے کہا کہ اگر مسلم لیگ (ن) کو کامیابی ملی تو آزاد کشمیر کے ہر گاؤں تک سڑکوں کا جال بچھایا جائے گا اور عوام سے کیا گیا ہر وعدہ پورا کیا جائے گا انہوں نے بلاول بھٹو پر تنقید کرتے ہوئے کہا کہ جن کی اپنی جماعت یہاں حکومت میں ہے وہ شکایات آخر کس سے کر رہے ہیں