پاکستان جنوبی کوریا ہاکی ٹیسٹ سیریز کا شیڈول اور آفیشلز کا اعلان چار میچوں پر مشتمل سیریز 30 جولائی سے 7 اگست تک اسلام آباد میں کھیلی جائے گی

اسلام آباد: پاکستان ہاکی فیڈریشن پی ایچ ایف نے صدر محی الدین احمد وانی کی منظوری کے بعد پاکستان اور جنوبی کوریا کے درمیان چار میچوں پر مشتمل ہاکی ٹیسٹ سیریز 2026 کے باضابطہ شیڈول اور تکنیکی آفیشلز کے پینل کا اعلان کر دیا ہے پی ایچ ایف کی جانب سے جاری اعلامیے کے مطابق دونوں ٹیموں کے درمیان ٹیسٹ سیریز 30 جولائی سے 7 اگست 2026 تک نصیر بندہ ہاکی اسٹیڈیم اسلام آباد میں کھیلی جائے گی شیڈول کے مطابق پہلا ٹیسٹ میچ 30 جولائی دوسرا یکم اگست تیسرا 4 اگست اور چوتھا و آخری ٹیسٹ میچ 7 اگست کو کھیلا جائے گا تمام میچز پاکستانی وقت کے مطابق شام 5:15 بجے شروع ہوں گے پاکستان ہاکی فیڈریشن نے سیریز کے لیے تجربہ کار تکنیکی آفیشلز کا تقرر بھی کر دیا ہے فیض محمد انٹرنیشنل امپائر مینیجر کی حیثیت سے ذمہ داریاں انجام دیں گے جبکہ امپائرز کے پینل میں ہارون رشید یاسر خورشید فہد علی خان اسد عباس اور ساجد رضا شامل ہیں ٹیکنیکل ڈیلیگیٹ کی ذمہ داری محمد شفیق بھٹی انجام دیں گے جبکہ ٹیکنیکل آفیشلز و ججز میں حمزہ طفیل پشاور ایم وقاص احمد عدنان شہزاد محبوب جاوید اور مرزا جاوید شامل ہیں سیریز کے لیے وقاص شیخ کو میڈیا کوآرڈینیٹر نجیب خٹک کو چیف کوآرڈینیٹر اور حبیب الرحمٰن کو اسسٹنٹ ٹو چیف کوآرڈینیٹر مقرر کیا گیا ہے پاکستان ہاکی فیڈریشن کے مطابق سیریز کے انعقاد کے لیے تمام انتظامات کو حتمی شکل دی جا رہی ہے اور شائقین کو اعلیٰ معیار کی بین الاقوامی ہاکی دیکھنے کا موقع فراہم کیا جائے گا