پاکستان اور بنگلہ دیش سیمی فائنل میں  پہنچ گئے کاوا مینز والی بال چیمپئن شپ پاکستان کی مسلسل چوتھی کامیابی سری لنکا اور بنگلہ دیش کی فتوحات

اسلام آباد: کاوا مینز والی بال چیمپئن شپ 2026 کے پانچویں روز تین دلچسپ اور سنسنی خیز مقابلے کھیلے گئے جن میں سری لنکا بنگلہ دیش اور میزبان پاکستان نے شاندار فتوحات حاصل کیں دن کے پہلے میچ میں سری لنکا نے قازقستان کو 3-0 سے شکست دے کر ایونٹ میں اپنی ایک اور اہم کامیابی اپنے نام کی دوسرے میچ میں بنگلہ دیش نے سخت مقابلے کے بعد نیپال کو 3-2 سے شکست دے دی اس کامیابی کے ساتھ بنگلہ دیش نے بھی سیمی فائنل کے لیے کوالیفائی کر لیا اور ٹائٹل کی دوڑ میں اپنی جگہ مستحکم کر لی دن کے آخری اور اہم ترین میچ میں میزبان پاکستان نے ازبکستان کو یکطرفہ مقابلے کے بعد 3-0 سے شکست دے کر ایونٹ میں مسلسل چوتھی کامیابی حاصل کی قومی ٹیم نے آغاز سے اختتام تک شاندار کھیل پیش کیا اور ازبکستان کو کسی مرحلے پر میچ میں واپسی کا موقع نہ دیا اس فتح کے ساتھ پاکستان نے نہ صرف سیمی فائنل میں اپنی جگہ یقینی بنائی بلکہ مسلسل چار فتوحات کے بعد ٹائٹل کے مضبوط امیدوار کے طور پر بھی اپنی حیثیت منوا لی لیاقت جمنازیم اسلام آباد میں موجود شائقین نے قومی ٹیم کی شاندار کارکردگی پر بھرپور داد دی جبکہ پاکستان اور بنگلہ دیش کی سیمی فائنل میں رسائی نے ایونٹ کو مزید دلچسپ بنا دیا