کاوا والی بال پاکستان، بنگلہ دیش ازبکستان فاتح سیمی فائنل کی لائن اپ مکمل پاکستان آج سری لنکا بنگلہ دیش ازبکستان سے سیمی فائنل میں مدمقابل ہوگا

اسلام آباد : کاوا مینز والی بال چیمپئن شپ 2026 کے گروپ مرحلے کے آخری روز کھیلے گئے تین دلچسپ مقابلوں میں پاکستان ازبکستان اور بنگلہ دیش نے کامیابیاں سمیٹ کر سیمی فائنل میں جگہ بنالی جبکہ ناک آؤٹ مرحلے کی لائن اپ بھی مکمل ہوگئی

پہلے میچ میں ازبکستان نے نیپال کو یکطرفہ مقابلے کے بعد مسلسل تین سیٹس میں 0-3 سے شکست دے کر کامیابی حاصل کرتے ہوئے سیمی فائنل میں اپنی جگہ مستحکم کی دوسرے مقابلے میں بنگلہ دیش نے شاندار کم بیک کرتے ہوئے سری لنکا کو سنسنی خیز پانچ سیٹس کے مقابلے میں 2-3 سے شکست دی سری لنکا نے ابتدائی دونوں سیٹس جیت کر برتری حاصل کی تاہم بنگلہ دیش نے زبردست واپسی کرتے ہوئے اگلے تین سیٹس جیت کر میچ اپنے نام کر لیا دن کے آخری اور اہم مقابلے میں میزبان پاکستان نے قازقستان کو مسلسل سیٹس میں 0-3 سے شکست دے کر گروپ مرحلہ مسلسل پانچویں کامیابی کے ساتھ ناقابلِ شکست انداز میں مکمل کیا قومی ٹیم نے کامیابی حاصل کرتے ہوئے اپنی شاندار فارم برقرار رکھی اور ٹائٹل کی مضبوط امیدوار ہونے کا تاثر مزید مستحکم کیا گروپ مرحلے کے اختتام پر سیمی فائنل کی لائن اپ بھی مکمل ہوگئی پہلے سیمی فائنل میں میزبان پاکستان کا مقابلہ سری لنکا سے ہوگا جبکہ دوسرے سیمی فائنل میں بنگلہ دیش اور ازبکستان کی ٹیمیں آمنے سامنے ہوں گی چیمپئن شپ میں آج ناک آؤٹ

مرحلے کے تین اہم میچ کھیلے جائیں گے دن کا آغاز صبح 10:30 بجے پانچویں پوزیشن کے میچ سے ہوگا جس میں نیپال اور قازقستان کی ٹیمیں مدمقابل ہوں گی اس کے بعد دوپہر 1:00 بجے پہلے سیمی فائنل میں میزبان پاکستان کا مقابلہ سری لنکا سے ہوگا جبکہ شام 3:30 بجے دوسرے سیمی فائنل میں بنگلہ دیش اور ازبکستان کی ٹیمیں فائنل میں جگہ بنانے کے لیے آمنے سامنے ہوں گی دونوں سیمی فائنلز کے فاتحین چیمپئن شپ کے فائنل میں ٹائٹل کے لیے مدمقابل ہوں گے