آفتاب احمد کھوکھر نے کہا ہے اسلامی ممالک میں ٹیکنالوجی میں سب سے زیادہ ترقی سعودی عرب نے کی

جدہ (محمد اکرم اسد) اسلامی تعاون تنظیم او آئی سی کے اسسٹنٹ سیکرٹری جنرل بڑائے سائنس و ٹیکنالوجی ایمسیڈر آفتاب احمد کھوکھر نے کہا ہے اسلامی ممالک میں ٹیکنالوجی میں سب سے زیادہ ترقی سعودی عرب نے کی ہے اور اس کی مزید ترقی کیلئے او آئی سی ممالک سے تعاون بھی کررہا ہے۔ سعودی عرب کی ٹیکنالوجی ترقی سے سعودی عوام اور یہاں دنیا بھر سے آئے ہوئے تارکین وطن بھر پور فائدہ اٹھا ر ہے ہیں جسکی وجہ سے انکے وقت کی بچت ہوتی یہ انہوں نے پاکستان جرنلسٹس فورم سے ایک ملاقات میں بتائی یاد رہے کہ وہ جدہ میں قونصل جنرل بھی اپنی خدمات ادا کر چکے ہیں پاکستان جرنلسٹس فورم کے اراکین نے آفتاب احمد کھوکر سے تفصیلی اور خوشگوار ملاقات کی ملاقات میں انکی جدہ میں تعیناتی کے دوران صحافیوں کے ہمراہ یادگار تعلقات کا ذکر ہوا فورم کے اراکین نے انہیں بتایا کہ جدہ میں انکی خدمات کشمیر کمیونٹی اور بے شمار پاکستانیوں کو روزگار دلانے کی کوششیں آج بھی پاکستانی کمیونٹی احترام کے ساتھ یاد کرتی ہے واٖضح رہے کہ سفیر آفتاب کھوکھر او آئی سی میں تعیناتی سے قبل وزارت خارجہ پاکستان میں اہم عہدوں بشمول ازبکستان جنیوا لبنان آسٹریا سفیر اور ویانا میں مستقل نمائندہ برائے اقوام متحدہ اور غیر مقیم سفیر برائے سلواکیہ رہے جدہ میں بہ حیشیت قونصل جنرل تعیناتی کے دوران انہوں نے سعودی عرب میں پاکستانی کمیونٹی اور حجاج کرام سے متعلق امور کی نگرانی کی وہ ویانا میں گروپ آف 77 (G-77)کے چیئرمین بھی رہے پاکستان کو اوآئی سی میں انکی خدمات پر فخر ہے وہ اسوقت اسلامی ممالک کے درمیان سائنس تحقیق ٹیکنالوجی مصنوعی ذہانت صحت خوراک اور آبی تحفظ کے شعبوں میں تعاون کو فروغ دینے کے ذمہ دار ہیں ملاقات میں انہوں نے بتایا کہ او آئی سی کے سائینس اور ٹیکنالوجی کا شعبہ سرگرمی سے کام کررہا ہے اور ممبر ممالک کے درمیان سائینس اور ٹیکنالوجی میں بڑھ رہا ہے اس شعبہ کا مقصد تحقیقی اداروں جامعات اور سائنسی تنظیموں کے درمیان روابط مضبوط کرناہے نیز صحت خوراک پانی ماحولیات مصنوعی ذہانت (AI) اور سائبر سکیورٹی جیسے شعبوں میں مشترکہ منصوبوں کی نگرانی کرنا ہے آفتاب احمد کھوکھر نے بتایا کہ یہ بات قابل فخر ہے کہ اسوقت اس شعبے میں پاکستان کا عظیم دوست سعودی عرب سب سے زیادہ توجہ دے رہا ہے اور ٹیکنالوجی کے شعبے میں بہت تیزی اسے کام کررہا ہے یہاں برسرروزگار بھی اس سے فائدہ اٹھا رہے ہیں او آئی سی کا یہ شعبہ اسلامی ممالک کے درمیان ویکسین کی مقامی پیداوار اور صحت کے شعبے میں فروغ اور خود انحصاری کے فروغ کیلئے کام کررہا ہے سفیر آفتاب احمد کھوکھر کی قیادت میں قازقستان میں اسلامی تنظیم برائے غذائی تحفظ (IOFS) کے ساتھ ملاقاتوں میں انہوں نے خوراک کے تحفظ جدید زرعی ٹیکنالوجی اور پانی کے پائیدار انتظام کے منصوبوں کو فروغ دیاجارہا ہے اسلامی ممالک کی تنظیم AI پر تیزی سے کام کررہی ہے جس میں سعودی عرب اور دیگر اسلامی ممالک بھی سنجیدگی سے تعاون اور کام کر رہے ہیں ملائیشیا میں OIC-CERT کے ساتھ تعاون کے ذریعے سائبر سکیورٹی، مصنوعی ذہانت اور ڈیجیٹل تحفظ کے شعبوں میں تعاون بڑھانے کی کوشش جاری ہے پاکستان جرنلسٹس فورم نے سفیر آفتاب احمد کھوکھر کو مبارکباد دی اراکین نے کہا کہ ہمیں فخر ہے ایک فرزند پاکستان اسلامی ممالک کی تنظیم میں ایک اہم اور فعال کردار کررہاہے اور وہ سائنس صحت خوراک ماحولیات مصنوعی ذہانت اور سائبر سکیورٹی کے شعبوں میں OIC ممالک کے درمیان تعاون بڑھانے کی کوششوں کی قیادت کر رہے ہیں۔ پی جے ایف کے وفد میں امیر محمد خان معروف حسین جمیل راٹھور شاہد نعیم اکرم اسد خالد خورشید خالد چیمہ اور ریان متیال شامل تھے ملاقات کا اختتام ایک شاندار اور پرتکلف عشائیہ پر ہوا