چیف ٹریفک آفیسر محمد سرفراز ورک نے اسلام آباد ٹریفک پولیس کو فراہم کردہ الیکٹرک گاڑیوں کا تفصیلی معائنہ

چیف ٹریفک آفیسر محمد سرفراز ورک نے اسلام آباد ٹریفک پولیس کو فراہم کردہ الیکٹرک گاڑیوں کا تفصیلی معائنہ کیا اور ان کی آپریشنل استعداد اور کارکردگی کا جائزہ لیا اس موقع پر انہیں گاڑیوں کی مرمت دیکھ بھال اور چارجنگ اسٹیشنز کے حوالے سے مکمل بریفنگ دی گئی چیف ٹریفک آفیسر نے متعلقہ افسران کو ہدایت کی کہ رش مینجمنٹ اور شہریوں کی بروقت مدد کو ہر صورت یقینی بنایا جائے محمد سرفراز ورک نے کہا کہ فرائض کی انجام دہی میں کسی قسم کی کوتاہی برداشت نہیں کی جائے گی اور ٹریفک اہلکار شہریوں کے ساتھ خوش اخلاقی اور شائستہ رویے سے پیش آئیں انہوں نے کہا کہ اسلام آباد ٹریفک پولیس جدید ٹیکنالوجی کے استعمال کے ذریعے شہریوں کی رہنمائی اور سفری سہولیات کی بہتری کے لیے ہمہ وقت کوشاں ہے