پاکستانی ایم ایم اے ٹیم ایشین GAMMA چیمپئن شپ 2026 کے لیے روانہ قومی ایتھلیٹس کوالالمپور میں یوتھ اور سینئر کیٹیگریز میں پاکستان کی نمائندگی کریں گے

اسلام آباد : پاکستان کی قومی مکسڈ مارشل آرٹس ایم ایم اے ٹیم ایشین GAMMA ایم ایم اے چیمپئن شپ 2026 میں شرکت کے لیے کوالالمپور ملائیشیا روانہ ہو گئی جہاں پاکستانی ایتھلیٹس یوتھ اور سینئر کیٹیگریز میں ملک کی نمائندگی کریں گے پاکستانی ٹیم ایسے وقت میں چیمپئن شپ میں شرکت کر رہی ہے جب قومی ایم ایم اے ایتھلیٹس نے حالیہ برسوں میں قومی اور بین الاقوامی سطح پر نمایاں کامیابیاں حاصل کی ہیں مضبوط ٹریک ریکارڈ مسلسل محنت اور بھرپور تیاری کے باعث ٹیم سے اس ایونٹ میں عمدہ کارکردگی کی توقع کی جا رہی ہے پاکستان مکسڈ مارشل آرٹس فیڈریشن کے صدر ذوالفقار علی نے کہا کہ قومی ٹیم نے چیمپئن شپ کے لیے بھرپور تیاری کی ہے اور انہیں اپنے ایتھلیٹس کی صلاحیتوں پر مکمل اعتماد ہے انہوں نے کہا کہ پاکستانی فائٹرز نے گزشتہ چند برسوں میں عالمی سطح پر ملک کا نام روشن کیا ہے اور ایشین GAMMA ایم ایم اے چیمپئن شپ 2026 انہیں اپنی صلاحیتوں کے اظہار کا بہترین موقع فراہم کرے گی۔ ان کا کہنا تھا کہ انہیں یقین ہے کہ قومی ایتھلیٹس بہترین کھیل، نظم و ضبط اور عزم کا مظاہرہ کرتے ہوئے پاکستان کے لیے کامیابیاں سمیٹیں گے ذوالفقار علی نے مزید کہا کہ پاکستان مکسڈ مارشل آرٹس فیڈریشن نوجوان ایتھلیٹس کو بین الاقوامی سطح پر مواقع فراہم کرنے اور ملک میں ایم ایم اے کے فروغ کے لیے اپنی کاوشیں جاری رکھے گی۔ انہوں نے پوری قومی ٹیم کے لیے نیک خواہشات کا اظہار کرتے ہوئے امید ظاہر کی کہ پاکستانی ایتھلیٹس قومی پرچم سربلند کریں گے اور چیمپئن شپ میں نمایاں کامیابیاں حاصل کریں گے