اسلام آباد وفاقی دارالحکومت میں ٹریفک پولیس کی قیادت میں اہم تبدیلی کرتے ہوئے پولیس سروس آف پاکستان کی سینئر افسر کائنات اظہر خان کو چیف ٹریفک آفیسر سی ٹی او اسلام آباد تعینات کر دیا گیا ہے۔ اس حوالے سے باقاعدہ نوٹیفکیشن جاری کر دیا گیا نوٹیفکیشن کے مطابق کائنات اظہر خان کے پاس ایس ایس پی آپریشنز سیف سٹی اسلام آباد کا اضافی چارج بھی ہوگا دوسری جانب سابق چیف ٹریفک آفیسر اسلام آباد ایس ایس پی محمد سرفراز ورک کی خدمات پنجاب حکومت کے سپرد کر دی گئی ہیں کائنات اظہر خان ایک تجربہ کار پولیس افسر ہیں اور اس سے قبل ملتان میں چیف ٹریفک آفیسر اور ایس پی کینٹ کے عہدوں پر فرائض سرانجام دے چکی ہیں اس کے علاوہ وہ راولپنڈی میں بطور ایس ڈی پی او سول لائنز اور ایس ڈی پی او کینٹ بھی خدمات انجام دے چکی ہیں کائنات اظہر خان نیشنل پولیس اکیڈمی کے 47ویں کامن ٹریننگ پروگرام کی گریجویٹ ہیں اور انہیں انتظامی و آپریشنل امور میں وسیع تجربہ حاصل ہے۔ ان کی تعیناتی کو اسلام آباد ٹریفک نظام اور شہری سہولتوں کی بہتری کے لیے اہم پیش رفت قرار دیا جا رہا ہے۔
