اسلام آباد : کاوا مینز والی بال چیمپئن شپ 2026 کے سیمی فائنلز میں پاکستان اور بنگلہ دیش نے اپنے اپنے حریفوں کو شکست دے کر فائنل کے لیے کوالیفائی کر لیا پہلے سیمی فائنل میں پاکستان نے شاندار کھیل کا مظاہرہ کرتے ہوئے سری لنکا کو مسلسل تین سیٹس میں 3-0 سے شکست دی میچ کے سیٹ اسکور 25-18، 25-10 اور 25-21 رہے قومی ٹیم نے پورے مقابلے کے دوران بہترین ٹیم ورک جارحانہ حملوں اور مضبوط دفاع کا مظاہرہ کرتے ہوئے سری لنکا کو سنبھلنے کا کوئی موقع نہ دیا اس کامیابی کے ساتھ پاکستان نے ٹورنامنٹ میں اپنی ناقابلِ شکست فتوحات کا سلسلہ برقرار رکھا
دوسرے سیمی فائنل میں بنگلہ دیش نے بھی عمدہ کارکردگی کا مظاہرہ کرتے ہوئے ازبکستان کو مسلسل تین سیٹس میں 3-0 سے شکست دے کر فائنل میں جگہ بنا لی بنگلہ دیش نے پورے میچ میں اپنی برتری برقرار رکھی جبکہ ازبکستان کو تیسری پوزیشن کے میچ پر اکتفا کرنا پڑا ادھر پانچویں پوزیشن کے میچ میں قازقستان نے نیپال کو بھی 3-0 سے شکست دے کر ایونٹ میں پانچویں پوزیشن حاصل کر لی نیپال نے بھرپور مزاحمت کی تاہم قازقستان کی منظم اور مؤثر کارکردگی کے سامنے کامیابی حاصل نہ کر سکا کاوا مینز والی بال چیمپئن شپ 2026 کے فائنل میں میزبان اور ناقابلِ شکست پاکستان کا مقابلہ بنگلہ دیش سے ہوگا جبکہ تیسری پوزیشن کے میچ میں ازبکستان اور سری لنکا کی ٹیمیں آمنے سامنے ہوں گی
