اسلام آباد: کویت کے وزیر خارجہ شیخ جراح جابر الاحمد الصباح 28 سے 29 جولائی تک پاکستان کا دو روزہ سرکاری دورہ کریں گے ترجمان دفتر خارجہ کے مطابق کویتی وزیر خارجہ نائب وزیراعظم اور وزیر خارجہ اسحاق ڈار کی دعوت پر پاکستان آرہے ہیں ترجمان کے مطابق دورے کے دوران شیخ جراح جابر الاحمد الصباح اور اسحاق ڈار کے درمیان باضابطہ مذاکرات ہوں گے جن میں پاکستان اور کویت کے دوطرفہ تعلقات کے تمام پہلوؤں کا جائزہ لیا جائے گا جبکہ باہمی دلچسپی کے علاقائی اور بین الاقوامی امور پر بھی تبادلہ خیال کیا جائے گا دفتر خارجہ کا کہنا ہے کہ کویتی وزیر خارجہ کا یہ دورہ دونوں ممالک کے درمیان دیرینہ شراکت داری کو مزید مضبوط بنانے کے مشترکہ عزم کا مظہر ہے پاکستان اور کویت باہمی مفاد کے مختلف شعبوں میں تعاون کو مزید فروغ دینے کے خواہاں ہیں
کویت کے وزیر خارجہ دو روزہ سرکاری دورے پر پاکستان پہنچیں گے نائب وزیراعظم اسحاق ڈار سے مذاکرات، دوطرفہ تعلقات اور علاقائی و عالمی امور پر تبادلہ خیال ہوگا
Leave a comment
!ہمیں فالو کریں
ہمیں سوشل میڈیا پر تلاش کریں۔
