اسلام آباد ضلعی انتظامیہ نے وفاقی دارالحکومت میں مارکیٹس شاپنگ مالز ریسٹورنٹس اور دیگر تجارتی مراکز کے نئے اوقاتِ کار کا نوٹیفکیشن جاری

اسلام آباد ضلعی انتظامیہ نے وفاقی دارالحکومت میں مارکیٹس شاپنگ مالز ریسٹورنٹس اور دیگر تجارتی مراکز کے نئے اوقاتِ کار کا نوٹیفکیشن جاری کر دیا ہے جو 10 جون 2026 سے نافذ العمل ہوگا اور آئندہ احکامات تک برقرار رہے گا نوٹیفکیشن کے مطابق تمام مارکیٹس دکانیں اور شاپنگ مالز رات 9 بجے بند کیے جائیں گے جبکہ ریسٹورنٹس کیفے فوڈ آؤٹ لیٹس اور دیگر کھانے پینے کے مراکز کو رات 11 بجے تک کاروبار جاری رکھنے کی اجازت ہوگی اسی طرح شادی ہالز، مارکیز اور دیگر تقریباتی مقامات رات 10 بجے بند کرنے کے پابند ہوں گے ضلعی انتظامیہ کی جانب سے بعض ضروری خدمات اور اداروں کو ان پابندیوں سے مستثنیٰ قرار دیا گیا ہے۔ ان میں ہسپتال فارمیسیاں میڈیکل لیبارٹریاں پٹرول پمپس سی این جی اسٹیشنز آئی ٹی کمپنیاں کال سینٹرز جمنازیم اور دیگر کھیلوں کی سہولیات شامل ہیں، جو معمول کے مطابق اپنے اوقاتِ کار جاری رکھ سکیں گے ضلعی انتظامیہ نے شہریوں تاجروں اور کاروباری حلقوں سے اپیل کی ہے کہ وہ نئے اوقاتِ کار پر مکمل عملدرآمد کو یقینی بنائیں اور انتظامیہ کے ساتھ تعاون کریں تاکہ شہر میں نظم و ضبط اور توانائی کے مؤثر استعمال کے اہداف حاصل کیے جا سکیں