اسلام آباد :
وزیراعظم شہباز شریف نے سعودی ولی عہد و وزیراعظم شہزادہ محمد بن سلمان سے ٹیلیفون پر گفتگو کرتے ہوئے بحیرۂ احمر میں سعودی آئل ٹینکرز پر حوثی ملیشیا کے حملوں کی شدید الفاظ میں مذمت کی اور انہیں بین الاقوامی قانون کی کھلی خلاف ورزی قرار دیا وزیراعظم نے کہا کہ ایسے حملے ناقابلِ قبول ہیں، یہ جہاز رانی اور تجارتی نقل و حمل کی آزادی کے لیے خطرہ اور علاقائی امن سلامتی و استحکام کے لیے نقصان دہ ہیں انہوں نے کہا کہ وہ، فیلڈ مارشل سید عاصم منیر اور پوری پاکستانی قوم اس نازک وقت میں سعودی قیادت اور برادر عوام کے ساتھ مکمل یکجہتی اور عزم کے ساتھ کھڑے ہیں شہباز شریف نے سعودی عرب کی سلامتی خودمختاری علاقائی سالمیت اور خوشحالی کے لیے پاکستان کی غیر متزلزل حمایت کا اعادہ کرتے ہوئے کہا کہ پاکستان خطے میں امن و استحکام بحیرۂ احمر، آبنائے ہرمز اور سمندری تجارت کی بلا تعطل روانی کے لیے سعودی عرب اور عالمی برادری کے ساتھ قریبی تعاون جاری رکھے گا گفتگو کے دوران وزیراعظم اور سعودی ولی عہد نے امریکا اور ایران کے درمیان ہونے والے معاہدے پر بھی ایک دوسرے کو مبارکباد دی سعودی ولی عہد محمد بن سلمان نے پاکستان کی مستقل حمایت اور دونوں برادر ممالک کے درمیان مضبوط تعلقات کو سراہا جبکہ وزیراعظم نے خادم الحرمین الشریفین شاہ سلمان بن عبدالعزیز کے لیے نیک تمناؤں کا اظہار کیا
