بنوں دھماکے کی وزیراعظم شہباز شریف نے شدید مذمت، شہداء کے لواحقین سے اظہار تعزیت

اسلام آباد: وزیراعظم محمد شہباز شریف نے بنوں دھماکے کی شدید مذمت کرتے ہوئے قیمتی انسانی جانوں کے ضیاع پر گہرے دکھ اور افسوس کا اظہار کیا ہے وزیراعظم نے شہداء کے درجات کی بلندی لواحقین کے لیے صبرِ جمیل اور زخمیوں کی جلد صحت یابی کی دعا کرتے ہوئے متعلقہ حکام کو زخمیوں کو بہترین طبی سہولیات فراہم کرنے اور واقعے کی فوری تحقیقات کی ہدایت کی انہوں نے کہا کہ دہشت گردی پاکستان کے امن و استحکام کے خلاف گھناؤنی سازش ہے ایسی بزدلانہ کارروائیاں قوم کے عزم کو کمزور نہیں کر سکتیں دہشت گردوں اور ان کے سہولت کاروں کو قانون کے کٹہرے میں لا کر قرار واقعی سزا دی جائے گی وزیراعظم نے کہا کہ شہداء کی قربانیاں پوری قوم کی امانت ہیں ان کا خون رائیگاں نہیں جانے دیا جائے گا اور دہشت گردی کے مکمل خاتمے تک جدوجہد جاری رہے گی