وفاقی حکومت نے گریڈ 20 کے سینئر افسر یاور حسین کو پاکستان سپورٹس بورڈ پی ایس بی کا نیا ڈائریکٹر جنرل مقرر

وفاقی حکومت نے گریڈ 20 کے سینئر افسر یاور حسین کو پاکستان سپورٹس بورڈ پی ایس بی کا نیا ڈائریکٹر جنرل مقرر کر دیا ہے اس حوالے سے تقرری کا باقاعدہ نوٹیفکیشن بھی جاری کر دیا گیا ہے یاور حسین ایک تجربہ کار سول سرونٹ ہیں جنہوں نے اپنے کیریئر کے دوران متعدد اہم انتظامی عہدوں پر خدمات انجام دی ہیں وہ ڈائریکٹر جنرل پاسپورٹس اینڈ امیگریشن کے منصب پر بھی فرائض سرانجام دے چکے ہیں جبکہ جوائنٹ سیکریٹری داخلہ امور کی حیثیت سے بھی اہم ذمہ داریاں نبھا چکے ہیں اس سے قبل سابق ڈی جی پاکستان سپورٹس بورڈ یاسر پیرزادہ کے عہدہ چھوڑنے کے بعد سیکریٹری بین الصوبائی رابطہ محی الدین وانی کے پاس ڈائریکٹر جنرل پی ایس بی کا اضافی چارج تھا ضلع جھنگ سے تعلق رکھنے والے یاور حسین بلوچستان سمیت ملک کے مختلف حصوں میں اہم انتظامی ذمہ داریوں پر خدمات انجام دے چکے ہیں۔ کھیلوں کے حلقوں کا کہنا ہے کہ ان کی تقرری سے پاکستان سپورٹس بورڈ کے انتظامی امور میں مزید بہتری اور قومی کھیلوں کے فروغ کے لیے نئی راہیں ہموار ہونے کی توقع ہے