گلگت بلتستان اسمبلی انتخابات آج، لاکھوں ووٹرز نئی سیاسی قیادت کے انتخاب کے لیے تیار

گلگت بلتستان کے عوام آج اپنے نمائندوں کا انتخاب کریں گے گلگت بلتستان اسمبلی کے انتخابات آج منعقد ہو رہے ہیں جہاں لاکھوں ووٹرز اپنا حقِ رائے دہی استعمال کرتے ہوئے آئندہ پانچ سال کے لیے اپنے نمائندوں کا انتخاب کریں گے انتخابات کے لیے 24 انتخابی حلقوں میں مجموعی طور پر 403 امیدوار مدمقابل ہیں جن میں بڑی تعداد آزاد امیدواروں کی ہے الیکشن کمیشن کے مطابق پولنگ صبح 8 بجے شروع ہو کر شام 5 بجے تک بلا تعطل جاری رہے گی ووٹرز کی سہولت کے لیے 1368 پولنگ اسٹیشن اور 2447 پولنگ بوتھ قائم کیے گئے ہیں جبکہ 830 پولنگ اسٹیشنز کو انتہائی حساس قرار دے کر وہاں سیکیورٹی کے خصوصی انتظامات کیے گئے ہیں سرکاری اعداد و شمار کے مطابق گلگت بلتستان میں رجسٹرڈ ووٹرز کی تعداد 9 لاکھ 58 ہزار 780 ہے جن میں 5 لاکھ 3 ہزار 772 مرد اور 4 لاکھ 55 ہزار سے زائد خواتین ووٹرز شامل ہیں خواتین کی بھرپور شرکت کو یقینی بنانے کے لیے بھی خصوصی اقدامات کیے گئے ہیں انتخابی عمل کے پرامن انعقاد کے لیے 17 ہزار 500 سے زائد پولیس اہلکار تعینات کیے گئے ہیں جبکہ پاک فوج اور دیگر قانون نافذ کرنے والے ادارے بھی الرٹ ہیں گلگت بلتستان اسمبلی 33 نشستوں پر مشتمل ہے جن میں 24 جنرل 6 خواتین اور 3 ٹیکنوکریٹس کی مخصوص نشستیں شامل ہیں انتخابات کے بعد حکومت سازی کے لیے کسی بھی جماعت یا اتحاد کو کم از کم 17 نشستوں کی حمایت درکار ہوگی سیاسی سرگرمیوں کے طویل مرحلے کے بعد آج ہونے والی پولنگ نہ صرف نئی اسمبلی کی تشکیل کا راستہ ہموار کرے گی بلکہ گلگت بلتستان کی آئندہ سیاسی سمت کا بھی تعین کرے گی