آئی جی اسلام آباد کا کارکردگی بہتر بنانے اور شفاف پولیسنگ پر زور پبلک سروس میرٹ پر بھرتیوں، سکیورٹی اور جدید پولیسنگ سے متعلق اہم اہداف مقرر

اسلام آباد : انسپکٹر جنرل آف پولیس اسلام آباد سید علی ناصر رضوی نے پبلک سروس ڈیلیوری، پولیس ریکروٹمنٹ میں شفافیت، شہریوں کے جان و مال کے تحفظ، مؤثر سکیورٹی اقدامات اور جدید پولیسنگ کے فروغ سے متعلق امور کا تفصیلی جائزہ لیتے ہوئے سینئر افسران کو واضح ٹائم فریم کے ساتھ اہم ذمہ داریاں سونپ دیں تفصیلات کے مطابق آئی جی اسلام آباد سید علی ناصر رضوی کی زیرِ صدارت اہم اجلاس منعقد ہوا جس میں ڈی جی سیف سٹی و ڈی آئی جی ٹریفک محمد ہارون جوئیہ ڈی آئی جی اسلام آباد محمد جواد طارقڈی آئی جی ہیڈکوارٹرز محمد عتیق طاہر اور ڈی آئی جی سکیورٹی رانا عمر فاروق نے شرکت کی اجلاس میں پبلک سروس ڈیلیوری کو مزید مؤثر بنانے، اسلام آباد پولیس کے ریکروٹمنٹ نظام میں میرٹ اور شفافیت کو یقینی بنانے شہریوں کے جان و مال کے تحفظ، سکیورٹی انتظامات کو مضبوط بنانے، جدید پولیسنگ کے فروغ اور مجموعی کارکردگی میں بہتری سے متعلق مختلف امور کا تفصیلی جائزہ لیا گیا اس موقع پر آئی جی اسلام آباد سید علی ناصر رضوی نے تمام سینئر افسران کو مقررہ اہداف بروقت مکمل کرنے، اقدامات کی مسلسل نگرانی کرنے اور ہر شعبے کی کارکردگی کو مزید مؤثر، شفاف اور عوام دوست بنانے کی ہدایت کی۔ انہوں نے کہا کہ شہریوں کو معیاری اور بروقت خدمات کی فراہمی، میرٹ پر مبنی بھرتیوں، مؤثر سکیورٹی اقدامات اور جدید ٹیکنالوجی کے استعمال سے پولیسنگ کے نظام کو مزید مضبوط بنایا جائے جبکہ فرائض کی انجام دہی میں پیشہ ورانہ مہارت، جوابدہی اور شفافیت کو ہر سطح پر یقینی بنایا جائے