12 جون تک شدید گرمی کی لہر ہیٹ ویو جاری رہنے کی پیش گوئی

محکمہ موسمیات نے ملک کے مختلف حصوں میں 12 جون تک شدید گرمی کی لہر ہیٹ ویو جاری رہنے کی پیش گوئی کرتے ہوئے شہریوں کو احتیاطی تدابیر اختیار کرنے کی ہدایت کی ہے محکمہ موسمیات کے مطابق آئندہ چند روز کے دوران کراچی میں درجہ حرارت 40 سے 43 ڈگری سینٹی گریڈ کے درمیان رہنے کا امکان ہے جبکہ سندھ اور بلوچستان کے بعض اضلاع شدید گرمی کی لپیٹ میں رہیں گے جہاں پارہ 48 سے 51 ڈگری سینٹی گریڈ تک پہنچ سکتا ہے پنجاب کے کئی اضلاع میں بھی شدید گرمی کی پیش گوئی کی گئی ہے اور درجہ حرارت 44 سے 48 ڈگری سینٹی گریڈ تک جا سکتا ہے جبکہ خیبرپختونخوا کے میدانی علاقوں میں درجہ حرارت 41 سے 46 ڈگری سینٹی گریڈ کے درمیان رہنے کا امکان ہے محکمہ موسمیات نے خبردار کیا ہے کہ شدید گرمی کے باعث ہیٹ اسٹروک اور پانی کی کمی کے خطرات بڑھ سکتے ہیں شہریوں کو مشورہ دیا گیا ہے کہ صبح 10 بجے سے شام 4 بجے تک بلا ضرورت گھروں سے باہر نکلنے سے گریز کریں پانی اور مشروبات کا زیادہ استعمال کریں ہلکے رنگ کے کپڑے پہنیں اور بچوں بزرگوں و بیمار افراد کا خصوصی خیال رکھیں ماہرین کے مطابق احتیاطی تدابیر اختیار کرکے شدید گرمی کے منفی اثرات سے بڑی حد تک محفوظ رہا جا سکتا ہے