پاکستان کا کاوا والی بال چیمپئن شپ میں فاتحانہ آغازپاکستان نے سری لنکا کو شکست دے کر ایونٹ کا شاندار آغاز کیا

اسلام آباد : پاکستان والی بال فیڈریشن (پی وی ایف) کے زیرِ اہتمام زونگ 5G سینٹرل ایشین والی بال ایسوسی ایشن (CAVA) مینز والی بال چیمپئن شپ 2026 کا شاندار آغاز اسلام آباد میں رنگا رنگ افتتاحی تقریب کے ساتھ ہوا افتتاحی تقریب میں پاکستان والی بال فیڈریشن کے عہدیداروں ملکی و غیر ملکی ٹیموں کے آفیشلز کھلاڑیوں اور شائقین کی بڑی تعداد نے شرکت کی تقریب میں شریک ٹیموں کا تعارف کرایا گیا جبکہ چیمپئن شپ کے کامیاب انعقاد کے عزم کا بھی اظہار کیا گیا چیمپئن شپ کے پہلے روز افتتاحی تقریب کے بعد تین دلچسپ میچ کھیلے گئے جن میں شریک ٹیموں نے اعلیٰ معیار کی والی بال کا مظاہرہ کیا افتتاحی میچ میں قازقستان نے سنسنی خیز مقابلے کے بعد نیپال کو 3-2 سے شکست دی دوسرے میچ میں بنگلہ دیش نے ازبکستان کو سخت مقابلے کے بعد 3-2 سے زیر کر لیا دن کے سب سے اہم مقابلے میں میزبان پاکستان نے شاندار کھیل پیش کرتے ہوئے سری لنکا کو مسلسل تین سیٹس (3-0) سے شکست دے کر ایونٹ کا فاتحانہ آغاز کیا قومی ٹیم کی عمدہ کارکردگی پر اسٹیڈیم میں موجود شائقین نے بھرپور داد دی اور کھلاڑیوں کی زبردست حوصلہ افزائی کی چیمپئن شپ میں شریک تمام ٹیمیں ٹائٹل کے حصول کے لیے ایک دوسرے کے مدمقابل ہیں جبکہ آئندہ دنوں میں مزید دلچسپ اور سنسنی خیز مقابلوں کی توقع کی جا رہی ہے