آئی سی سی ویمنز ورلڈکپ 2026 کے آغاز سے قبل لندن کے تاریخی واٹرلو برج پر ٹرافی کی شاندار رونمائی اور کپتانوں کے خصوصی فوٹو شوٹ

آئی سی سی ویمنز ورلڈکپ 2026 کے آغاز سے قبل لندن کے تاریخی واٹرلو برج پر ٹرافی کی شاندار رونمائی اور کپتانوں کے خصوصی فوٹو شوٹ کا انعقاد کیا گیا جس میں شریک تمام ٹیموں کی کپتانوں نے بھرپور شرکت کی تقریب میں آئی سی سی کے چیئرمین جے شاہ اور چیف ایگزیکٹو سنجوگ گپتا بھی موجود تھے اس موقع پر پاکستان ویمنز کرکٹ ٹیم کی کپتان فاطمہ ثنا سے دونوں اعلیٰ عہدیداروں نے خوشگوار ملاقات کی اور مصافحہ کیا جسے تقریب کے نمایاں اور خوش آئند لمحات میں شمار کیا جا رہا ہے
تمام کپتان ایک ہی بس میں سوار ہو کر تقریب کے مقام پر پہنچیں جہاں ورلڈکپ ٹرافی کے ساتھ یادگار تصاویر بنائی گئی گروپ فوٹو سیشن کے دوران سنجوگ گپتا پاکستانی کپتان فاطمہ ثنا کے ساتھ کھڑے نظر آئے جس نے شائقین کرکٹ کی توجہ حاصل کی تقریب کے دوران مختلف ٹیموں کی کپتانوں نے میڈیا سے گفتگو کرتے ہوئے ایونٹ کے لیے اپنی تیاریوں حکمت عملی اور عالمی اعزاز جیتنے کے عزم کا اظہار کیا واٹرلو برج پر منعقدہ اس رنگا رنگ تقریب میں شائقین کی بڑی تعداد بھی موجود تھی جنہوں نے کھلاڑیوں کا پرتپاک استقبال کیا اور ان سے آٹوگراف حاصل کیے سوشل میڈیا پر جے شاہ اور فاطمہ ثنا کی ملاقات کو کھیلوں کے مثبت جذبے باہمی احترام اور کرکٹ کے ذریعے قوموں کو قریب لانے کی ایک خوبصورت مثال قرار دیا جا رہا ہے واضح رہے کہ آئی سی سی ویمنز ورلڈکپ 12 جون سے شروع ہو رہا ہے جس میں دنیا کی صفِ اول کی ٹیمیں عالمی چیمپئن بننے کے لیے ایک دوسرے کے مدمقابل ہوں گی