اسلام آباد میں ٹریفک کی روانی اور روڈ سیفٹی اقدامات مزید مؤثر بنانے کا فیصلہ

چیف ٹریفک آفیسر اسلام آباد محمد سرفراز ورک کی زیرِ صدارت ایک اہم اجلاس منعقد ہوا، جس میں ایس پی ٹریفک اور زونل ڈی ایس پیز نے شرکت کی اجلاس میں زونل افسران کی کارکردگی، ٹریفک مینجمنٹ، روڈ سیفٹی اقدامات، شہریوں کو فراہم کی جانے والی سہولیات اور ٹریفک قوانین پر مؤثر عملدرآمد کا تفصیلی جائزہ لیا گیا اس موقع پر چیف ٹریفک آفیسر محمد سرفراز ورک نے ہدایت کی کہ وفاقی دارالحکومت میں ٹریفک کی روانی برقرار رکھنے، حادثات کی روک تھام، شہریوں کی بروقت مدد اور قانون کی یکساں عملداری کو یقینی بنانے کے لیے تمام دستیاب وسائل بروئے کار لائے جائیں۔ انہوں نے کہا کہ شہریوں کی سہولت اور محفوظ سفر اسلام آباد ٹریفک پولیس کی اولین ترجیح ہے