سلیمہ امتیاز ویمنز ٹی ٹوئنٹی ورلڈ کپ میں امپائرنگ کرنے والی پہلی پاکستانی خاتون بن گئی

لاہور (پی پی اے)پاکستانی امپائر سلیمہ امتیاز نے ایک اور تاریخی اعزاز اپنے نام کر لیا ہے۔ وہ آئی سی سی ویمنز ٹی ٹوئنٹی ورلڈ کپ میں امپائرنگ کرنے والی پہلی پاکستانی خاتون بن گئی ہیں انگلینڈ میں جاری ویمنز ٹی ٹوئنٹی ورلڈ کپ کے دوران سلیمہ امتیاز اب تک چار میچز میں ذمہ داریاں انجام دے چکی ہیں جن میں دو بار میدانی امپائر ایک بار ویڈیو امپائر اور ایک بار چوتھی امپائر کے فرائض شامل ہیں وہ ہفتے کو دی اوول میں انگلینڈ اور نیوزی لینڈ کے درمیان میچ میں ویڈیو امپائر جبکہ اتوار کو لارڈز کرکٹ گراؤنڈ میں بھارت اور آسٹریلیا کے مقابلے میں چوتھی امپائر کی ذمہ داریاں انجام دیں گی یاد رہے کہ سلیمہ امتیاز ستمبر 2024 میں انٹرنیشنل کرکٹ کونسل کے بین الاقوامی ترقیاتی امپائرز پینل میں شامل ہونے والی پہلی پاکستانی خاتون بھی بنی تھیں اس موقع پر سلیمہ امتیاز کا کہنا تھا آئی سی سی ویمنز ٹی ٹوئنٹی ورلڈ کپ میں بطور امپائر اپنی پہلی ذمہ داری ادا کرنا میرے اور پاکستان دونوں کے لیے بہت بڑے اعزاز کی بات ہے