جدہ قونصل خانے میں فرینہ ارشد نئی ڈپٹی قونصل جنرل مقرر سعدیہ وقار النساء کی تعیناتی مکمل پاکستان واپس رپورٹ کرنے کی ہدایت 

جدہ (محمد اکرم اسد) پاکستانی قونصلیٹ جنرل جدہ میں فرینہ ارشد کو سعدیہ وقار النساء کی جگہ ڈپٹی قونصل جنرل مقرر کر دیا گیا جنہوں نے فوری یہ اہم ذمہ داریاں سنبھال لیں ہیں جبکہ دوسری جانب سابق ڈپٹی قونصل جنرل محترمہ سعدیہ وقار النساء کی جدہ میں تعیناتی مکمل ہو چکی ہے اور انہیں فوری طور پر پاکستان واپس رپورٹ کرنے کی ہدایت جاری کر دی گئی ہے۔قونصل خانے کے ذرائع کے مطابق ان کی خدمات کو سراہا گیا ہے اور ان کے دورِ تعیناتی کو پیشہ ورانہ حوالے سے اہم قرار دیا گیا ہے واضح رہے کہ پاکستان قونصلیٹ جنرل جدہ میں ڈپٹی قونصل جنرل کا عہدہ نہایت اہمیت کا حامل ہے