پاکستان نے آسٹریلیا کو شکست دے کر ون ڈے سیریز اپنے نام کر لی

پاکستان نے تیسرے اور فیصلہ کن ایک روزہ میچ میں آسٹریلیا کو 4 وکٹوں سے شکست دے کر تین میچوں کی سیریز 1-2 سے اپنے نام کر لی قذافی اسٹیڈیم لاہور میں کھیلے گئے میچ میں قومی ٹیم نے 158 رنز کا ہدف 41.5 اوورز میں 6 وکٹوں کے نقصان پر حاصل کیا پاکستان کی کامیابی میں شاداب خان اور عبد الصمد نے اہم کردار ادا کیا دونوں نے ساتویں وکٹ کے لیے ناقابل شکست 49 رنز کی شراکت قائم کر کے ٹیم کو فتح سے ہمکنار کیا شاداب خان 29 اور عبد الصمد 18 رنز بنا کر ناٹ آؤٹ رہے جبکہ بابر اعظم 40 رنز کے ساتھ نمایاں رہے معاذ صداقت نے 27 رنز کی جارحانہ اننگز کھیلی
اس سے قبل آسٹریلیا نے ٹاس جیت کر پہلے بیٹنگ کا فیصلہ کیا لیکن پاکستانی بولرز کے سامنے پوری ٹیم 157 رنز پر ڈھیر ہو گئی آسٹریلوی کپتان جوش انگلس 65 رنز بنا کر نمایاں رہے پاکستان کی جانب سے شاہین شاہ آفریدی نے شاندار بولنگ کا مظاہرہ کرتے ہوئے 3 کھلاڑیوں کو آؤٹ کیا جبکہ ابرار احمد اور شاداب خان نے 2،2 وکٹیں حاصل کیں
شاہین شاہ آفریدی کو بہترین بولنگ پر میچ کا بہترین کھلاڑی قرار دیا گیا جبکہ نوجوان آل راؤنڈر عرفات منہاس پلیئر آف دی سیریز رہے یہ پاکستان کی آسٹریلیا کے خلاف مسلسل تیسری ون ڈے سیریز میں فتح ہے