پی سی بی کی ڈومیسٹک سیزن 27-2026 کے لیے نئی فٹنس پالیسی نافذ ریجنل ڈیپارٹمنٹل ضلعی اور زونل کرکٹ میں دو سطحی فٹنس نظام ناکام کھلاڑیوں کو دوبارہ مکمل ٹیسٹ دینا ہوں گے

لاہور : پاکستان کرکٹ بورڈ پی سی بی نے ڈومیسٹک کرکٹ سیزن 2026-27 کے لیے نئی جامع فٹنس پالیسی نافذ کر دی ہے جس کا اطلاق ریجنل ڈیپارٹمنٹل ضلعی اور زونل ٹیموں پر ہوگا پی سی بی کے مطابق نئی فٹنس پالیسی بین الاقوامی کرکٹ کے تقاضوں کو مدنظر رکھتے ہوئے تیار کی گئی ہے ڈائریکٹر سپورٹس اینڈ ایکسرسائز میڈیسن جاوید مغل نے دو سطحی ٹائر ون اور ٹائر ٹو فٹنس پلان مرتب کیا ہے پالیسی کے تحت ٹائر ون میں ریجنل فرسٹ کلاس اور گریڈ ٹو ڈیپارٹمنٹل ٹیموں کے کھلاڑی شامل ہوں گے جبکہ ٹائر ٹو میں سینئر ڈسٹرکٹ انڈر 19 انڈر 17 اور انڈر 15 ٹیموں کے کھلاڑی فٹنس ٹیسٹ دیں گے ٹائر ون کے کھلاڑیوں کو 11 مختلف فٹنس ٹیسٹوں سے گزرنا ہوگا جبکہ ٹائر ٹو کے کھلاڑی مجموعی طور پر 8 مختلف ٹیسٹ دیں گے پی سی بی کے مطابق ٹائر ون میں آٹھ یا اس سے زیادہ ریڈ اسکور حاصل کرنے والا کھلاڑی فٹنس ٹیسٹ میں ناکام قرار پائے گا جبکہ ٹائر ٹو میں چھ یا اس سے زیادہ ریڈ اسکور پر کھلاڑی فیل تصور ہوگا فٹنس ٹیسٹ میں ناکام ہونے والے تمام کھلاڑیوں کو دوبارہ مکمل فٹنس ٹیسٹ دینا ہوگا جبکہ کامیاب کھلاڑیوں کی چھ ماہ بعد دوبارہ فٹنس جانچ کی جائے گی پی سی بی کے منظور شدہ اسٹرینتھ اینڈ کنڈیشننگ کوچز ملک بھر میں فٹنس ٹیسٹ منعقد کریں گے جبکہ تمام نتائج نیشنل کرکٹ اکیڈمی اور میڈیکل اینڈ سپورٹس سائنس ڈیپارٹمنٹ کو ارسال کیے جائیں گے