مسقط میں پاکستانی سفیر کا قومی انڈر 21 ہاکی ٹیم کے اعزاز میں ظہرانہ سفیر نے نوجوان کھلاڑیوں کی حوصلہ افزائی کی، ٹیم انتظامیہ نے یادگاری تحائف پیش کیے

مسقط: عمان کے دارالحکومت مسقط میں اسلامی جمہوریہ پاکستان کے سفیر سید نوید صفدر بخاری نے پاکستان کی قومی انڈر 21 ہاکی ٹیم کے اعزاز میں پروقار ظہرانے کا اہتمام کیا جہاں نوجوان کھلاڑیوں کی حوصلہ افزائی کرتے ہوئے انہیں بین الاقوامی مقابلوں کے لیے نیک تمناؤں کا اظہار کیا گیا اس موقع پر سفیر پاکستان نے کہا کہ نوجوان کھلاڑی ملک کا روشن مستقبل ہیں اور پوری قوم کی دعائیں اور حمایت ان کے ساتھ ہیں انہوں نے ٹیم پر زور دیا کہ وہ بہترین کھیل کا مظاہرہ کرتے ہوئے قومی پرچم کو مزید سربلند کریں تقریب کے دوران قومی ٹیم کی انتظامیہ نے سفیر پاکستان کو یادگاری تحائف بھی پیش کیے ہیڈ کوچ اولمپین ایاز محمود نے قومی ٹیم کی آفیشل جرسی کوچ اولمپین سید سمیر حسین نے ہاکی اسٹک جبکہ کوچ اظفر یعقوب نے اظہارِ تشکر کے طور پر پاکستان کا قومی پرچم پیش کیا تقریب کے اختتام پر ٹیم انتظامیہ نے سفیر سید نوید صفدر بخاری اور مسقط میں پاکستانی سفارت خانے کی جانب سے پرتپاک مہمان نوازی ظہرانے کے اہتمام اور قومی ٹیم کی مسلسل حوصلہ افزائی پر دلی شکریہ ادا کیا