اسلام آباد : ضلعی انتظامیہ اسلام آباد نے H-9 سنڈے بازار میں پیش آنے والے حالیہ واقعے کی تحقیقات کے لیے 8 رکنی کمیٹی تشکیل دے دی ہے ڈپٹی کمشنر آفس اسلام آباد کی جانب سے جاری نوٹیفکیشن نمبر 1(13)-HC(G)/2026 مورخہ 23 جون 2026 کے مطابق کمیٹی کو ہدایت کی گئی ہے کہ وہ واقعے کی جامع تحقیقات مکمل کرکے اپنی رپورٹ تین روز کے اندر پیش کرے
نوٹیفکیشن کے مطابق کمیٹی کے کنوینر ایڈیشنل ڈپٹی کمشنر جنرل اسلام آباد ہوں گے جبکہ چیف آفیسر میٹروپولیٹن کارپوریشن اسلام آباد سپرنٹنڈنٹ آف پولیس سوہان ڈائریکٹر ڈسٹرکٹ ایمرجنسی آفیسر راولپنڈی ڈائریکٹر ای اینڈ ڈی ایم سی ڈی اے اسسٹنٹ کمشنر آئی ایریا اسسٹنٹ ڈائریکٹر سول ڈیفنس اور دیگر متعلقہ افسران کمیٹی کے ارکان کے طور پر شامل ہوں گے
کمیٹی کو ریسکیو سروسز کے رسپانس ٹائم کا جائزہ لینے آگ لگنے کی وجوہات اور اس کے پھیلاؤ کے عوامل کا تعین کرنے جانی و مالی نقصان کا تخمینہ لگانے محفوظ یا باقی ماندہ حصوں کو فعال رکھنے کے طریقہ کار کا جائزہ لینے اور آئندہ ایسے واقعات کی روک تھام کے لیے سفارشات مرتب کرنے کی ذمہ داری سونپی گئی ہے ڈسٹرکٹ مجسٹریٹ اسلام آباد نے نوٹیفکیشن کی نقول چیف کمشنر اسلام آباد کمشنر راولپنڈی ڈویژن انسپکٹر جنرل اسلام آباد پولیس اور دیگر متعلقہ حکام کو ارسال کر دی ہیں مزید برآں ڈپٹی آئی جی آپریشنز کو ہدایت کی گئی ہے کہ کمیٹی کے دورے تک H-9 سنڈے بازار میں پولیس کی اضافی نفری تعینات رکھی جائے جبکہ میٹروپولیٹن کارپوریشن اسلام آباد کے ڈائریکٹر میونسپل ایڈمنسٹریشن کو 48 گھنٹے تک ڈیزاسٹر مینجمنٹ عملہ موقع پر موجود رکھنے کا حکم
